FAQ/af: Difference between revisions

[https://www.wikipedia.org Wikipedia] is ’n aanlynversameling van kennis. Vrywilligerredigeerders van regoor die wêreld skryf Wikipedia. Dit is ’n samewerkende skepping wat in 2001 geskep is: Enigiemand kan dit enige tyd wysig. Redigeerders werk saam om feitlik oor enige onderwerp te skryf, van antieke geskiedenis tot wetenskap tot die kunste. Wikipedia is beskikbaar in honderde tale en het meer as 45 miljoen artikels. Wikipedia is heeltemal niewinsgewend, onafhanklik en word deur alledaagse mense soos jy onderhou. Jy benodig nie goedkeuring of spesiale kwalifikasies om te wysig nie.

Die Wikimedia Foundation word befonds deur middel van [https://donate.wikimedia.org/?uselang=af&utm_medium=donatewiki_page&utm_campaign=donate_link&utm_source=FAQ donasies] van miljoene individue regoor die wêreld. Die gemiddelde donasie is ongeveer $15 USD, en ons is dankbaar dat so baie mense waarde in Wikipedia vind en die toekoms daarvan wil volhou. Ons ontvang ook donasies deur institusionele toelae en geskenke (sien asseblief ons [https://wikimediafoundation.org/support/benefactors/ weldoenerbladsy] vir meer inligting). ’n Klein gedeelte van die inkomste word ook verdien deur die dienste wat deur Wikimedia Enterprise bedryf word ([[#Wat is Wikimedia Enterprise?|meer inligting]]).

Oor die afgelope 20 jaar het Wikipedia ’n betroubare bron van inligting geword waarop miljoene mense elke dag staatmaak. Met meer as 6 700 bladsykyke elke sekonde en meer as 350 wysigings per minuut, is Wikipedia een van die top 10 webwerwe ter wêreld, en die enigste groot webwerf wat deur ’n niewinsgewende organisasie, die Wikimedia Foundation, bestuur word.

Anders as ander topwebwerwe, word Wikipedia nie deur advertensies befonds nie, en maak ook nie staat op die verkoop van data oor gebruikers vir wins nie. In plaas daarvan word Wikipedia deur sy lesers ondersteun – mense wat waarde in Wikipedia vind en wil voortgaan om die sukses daarvan te ondersteun, met die gemiddelde skenking van sowat $15 USD. Hierdie finansiële model stel Wikipedia in staat om neutraal, betroubaar en vry van kommersiële belange te bly.

Ons is bevoorreg om ’n reserwe te hê. Dit is nie fondse wat ons op ’n dag-tot-dag-basis gebruik nie; dit kan slegs in buitengewone omstandighede, soos ’n ekonomiese krisis, verkry word. Wikipedia en sy projekte is kritieke hulpbronne waarop die wêreld daagliks staatmaak. Ons reserwefondse is bedoel om te verseker dat ons volhoubaar kan bly selfs al sou die ergste gebeurlikheid plaasvind. Ons bedryfsbegroting en jaarplan word ontwikkel deur ’n oop, deursigtige proses, onderhewig aan terugvoer van Wikipedia-vrywilligers en goedkeuring van die Raad. Die besonderhede van ons begroting en plan is altyd beskikbaar vir die publiek vir verdere hersiening.

Skenkingsbaniere is ontwerp om aan skenkers te wys wat webkoekies op hul blaaier geaktiveer het, en om te versteek nadat die banier ’n paar keer gewys is of na ’n skenking. Om weg te steek, hang egter af van ’n koekie wat ons in die blaaier plaas. Banierversteking sal nie werk as jy jou blaaier se kas uitvee, koekies uitvee of blaaiers of rekenaars verander nie.

* As jy die X- of Sluit-knoppie op ’n banier klik, sal dit vir een week versteek word. Jy kan ook die “Het reeds geskenk”-knoppie op ’n banier klik. Neem asseblief kennis dat hierdie gedrag nie van toepassing is op die eerste banier wat jy sien nie, maar elke banier daarna.

Die Wikimedia Endowment is in 2016 geskep om te dien as ’n permanente bewaringsfonds om inkomste te genereer om die bedrywighede en aktiwiteite van die Wikimedia-projekte vir ewig te ondersteun. Skenkings aan die Wikimedia Endowment word in ’n aparte fonds gehou en belê om mettertyd te groei. Jy kan meer te wete kom oor die Wikimedia Endowment by '''[https://wikimediaendowment.org/ wikimediaendowment.org]'''.