Template:Appeal/Kaldari/be

Інтэрнэт калісьці быў па-сапраўднаму цікавы.

У старыя добрыя часы, у дзевяностыя, інтэрнэт быў настолькі разнастайным, што успрымаўся хутчэй як супольнасць цікавых людзей, чым, вы ведаеце, проста прыхаванае тэлебачанне, якім ён у асноўным адчуваецца цяпер.

Я быў адным з тых добраахвотнікаў, якія стварылі Вікіпедыю. І мы даўно вырашылі, што абмен інфармацыяй і навучанне людзей важней, чым зараблянне грошай. Вось чаму Вікіпедыя сёння падтрымліваецца некамерцыйнай арганізацыяй, і ў ёй ніколі не будзе рэкламных аб'яў.

На ўтрыманне сервераў і зарплату невялікага штату супрацоўнікаў патрабуюцца грошы. Але замест прыцягнення рэкламадаўцаў і скажэння нашай працы фінансавым уплывам, кожны год мы проста просім нашых чытачоў прагаласаваць грашыма ў падтрымку гэтай супольнасці людзей, якія прадстаўляюць нешта асаблівае ў інтэрнэце. Калі ласка, укладзіце і вы ў гэтую справу свае 5, 10 даляраў ці столькі, колькі зможаце.

Пасля некалькіх гадоў рэдагавання Вікіпедыі, я ў выніку стаў супрацоўнікам Вікімедыя, распрацоўнікам праграмнага забеспячэння. І магу вам сказаць, што інфраструктура, якая падтрымлівае Вікіпедыю, даволі нязначная.

У Google, магчыма, каля мільёна сервераў. У Yahoo працуе парадку 13 тысяч супрацоўнікаў. У нас - 400 сервераў і 73 супрацоўніка.

Вікіпедыя - пяты па папулярнасці сайт у сетцы, кожны месяц ён абслугоўвае 422 000 000 чалавек, якія праглядаюць мільярды старонак.

Лепшае ў ахвяраваннях - гэта тое, што калі вы ахвяруеце свае 10 даляраў для Вікіпедыі, гэты ўзнос шматкроць памнажаецца. Калі гэтыя 10 даляраў ідуць на тое, каб дапамагчы з выплатай зарплаты аднаму распрацоўніку, які затым распрацоўвае інструмент, які дазволіць тысячам добраахвотнікаў зрабіць нешта значнае ў Вікіпедыі, то гэтыя вашыя 10 даляраў зрабілі значна больш, чым яны маглі б зрабіць для любога іншага вэб-сайта.

Ваша ахвяраванне дапаможа нам паляпшаць Вікіпедыю і захоўваць прывабнасць хоць бы гэтай часткі Інтэрнэту.

Дзякуй,

Раян Калдары
Праграміст Вікімедыя