Is hierdie webwerf veilig?
Die Wikimedia Foundation-skenkingswebwerf is uiters veilig. Nadat jy ’n banier geklik het of ’n skenkingskakel gevolg het, is die bladsy waarna jy geneem word op ’n beveiligde webwerf (https); alle inligting word geïnkripteer en hanteer volgens die hoogste standaard van databeskerming.
My voorkeurbetaalmetode word nog nie deur die Wikimedia Foundation aangebied nie.
Ons is jammer dat ons tans nie jou voorkeurmetode van betaling kan aanbied nie; in toekomstige fondsinsamelings hoop ons om bykomende opsies vir skenking in bykomende geldeenhede te hê. Sien asseblief ons volledige lys van ander maniere om te gee.
Hoekom is my krediet-/debietkaartdonasie geweier?
As jou skenkingspoging onsuksesvol was, gaan asseblief jou debiet-/kredietkaart na vir die volgende gevalle:
- Jou krediet-/debietkaart moet vir internasionale gebruik geaktiveer wees. Kaarte wat slegs in die land (AKA-binnelandse kaarte) gebruik kan word, sal dalk nie op hierdie tydstip aanvaar word nie. Kontak asseblief jou bank en versoek internasionale toegang om geaktiveer te word.
- Kredietkaarte van die Verenigde State, Verenigde Koninkryk en Kanadese kredietkaarte sal egter slegs in hul land van herkoms aanvaar word.
- Nie alle virtuele kaarte word egter tans aanvaar nie. Virtuele kaarte word gereeld vir aanlynaankope gebruik om jou fisiese kaart se sensitiewe inligting te beskerm. Wees egter verseker dat ons skenkingsverwerking gerugsteun word deur verwerkers wat professioneel en ten volle nakomend is en dat jou inligting uiters veilig is. As jou virtuele kaart dus afgekeur word, probeer asseblief om eerder ’n tradisionele krediet-/debietkaart te gebruik.
- As jy jou debietkaart gebruik, let asseblief daarop dat die sekuriteitskode (CVV) opsioneel is. As u debietkaart nie ’n CVV het nie, slaan net daardie veld oor.
- Jou bank het dalk die transaksie gevlag. Dit is veral waarskynlik as dit die eerste keer is dat jyaan Wikimedia skenk. Bel asseblief jou bank en versoek hulle om toekomstige transaksies aan Wikimedia te deblokkeer sodat jou toekomstige skenkings verwerk sal word. As jou bank of kredietkaartmaatskappy nie in staat is om die oorsaak van jou probleem te identifiseer nie, kontak ons asseblief by donate@wikimedia.org[1]. Vir jou sekuriteit, moet asseblief nie kredietkaartnommers by jou e-pos insluit nie.
Waarom is my PayPal-donasie afgekeur?
As jou PayPal-donasie afgekeur is, of jou herhalende intekeningskenking is gekanselleer, kontak asseblief PayPal-kliëntediens vir meer inligting. Jy kan ook direk vir PayPal skakel by 888-221-1161 of 402-935-2050 as jy vanaf buite die VS skakel. Hier is ’n paar algemene redes waarom skenkings misluk:
- PayPal vereis soms ’n rugsteunbetaalmetode om verskeie redes, soos om ’n maandelikse bestedingsdrempel te bereik of ’n oorplasing uit te voer. Jy kan dit oplos deur ’n rugsteunbetalingsmetode by jou rekening te voeg.
- PayPal kan soms ’n fout gee wat sê dat ons nie skenkings in ’n gegewe land verwerk nie. Jy kan egter hierdie boodskap ontvang omdat PayPal bykomende persoonlike identifikasie-inligting van jou benodig. Kontak asseblief hul kliëntediensafdeling en doen verdere navraag. Dit is veral algemeen in sommige dele van Asië en die Stille Oseaan-eilande.
- Neem asseblief kennis dat as gevolg van landregulasies, ons nie meer PayPal-skenkings vanaf Singapoer kan verwerk nie.
Ek het ’n foutboodskap ontvang, maar ek sien steeds ’n heffing op my staat.
- As jy ’n foutboodskap ontvang het wat sê dat jou transaksie nie aanvaar kon word nie, is jou skenking dalk nie deur die Wikimedia Foundation verwerk of aanvaar nie. Kontak ons asseblief by donate@wikimedia.org[1] vir meer inligting oor jou donasie. Moet asseblief nie kredietkaartnommers by jou e-pos insluit nie.
- ’n Heffing kan op jou kaart verskyn, wat deur jou bank gehou word, aangesien dit standaard bedryfsprosedure vir enige aanlyntransaksie is. As jou skenking onsuksesvol was, sal jou bank hierdie fondse binne ongeveer 3-5 werksdae vrystel, afhangende van hul reëls en regulasies. As jy weer ’n skenkingspoging wil probeer, besoek asseblief ons maniere om te gee-bladsy vir ’n volledige reeks van opsies.
Waarom wil jou donasievorm nie my inligting aanvaar nie?
Maak asseblief seker dat jou blaaier op datum is, dat jy JavaScript geaktiveer het en dat jy nie sekere domeine op ’n witlys plaas nie. Kontroleer asseblief ook om te verseker dat jy inligting korrek in alle velde ingevoer het, soos die spelling van jou e-posadres of aantal syfers in jou kredietkaartnommer. Let daarop dat ekstra spasies in hierdie velde ’n fout kan genereer.
Waarom het ek ’n waarskuwing-/foutsertifikaat gekry terwyl ek probeer skenk het?
As jy ’n waarskuwing-/foutsertifikaat sien terwyl jy probeer skenk, is dit waarskynlik te wyte aan ’n verouderde weergawe van jou blaaier. Dateer asseblief jou blaaier op na ’n nuwer weergawe of gebruik ’n ander blaaier.
Waarom sien ek nie my geldeenheid of land op die skenkingsvorm nie?
Die skenkingsbanier waarop jy geklik het, is opgestel om te geolokaliseer op grond van die IP-adres wat deur jou internetdiensverskaffer verskaf is. ’n Klein aantal skenkers sukkel met geoligging via IP en benodig ’n banier spesifiek vir hul tuisland – dit is gewoonlik ’n probleem terwyl jy besig is om te reis. Indien dit die geval is, stuur asseblief vir die fondsinsamelingspan ’n e-pos by donate@wikimedia.org[1]. Maak asseblief seker dat jy die naam van jou tuisland en/of geldeenheid insluit sodat ons vir jou die korrekte skenkings-URL kan stuur.
Hoe kan ek my herhalende skenking opdateer/kanselleer?
Vir instruksies oor die kansellasie of opdatering van herhalende betalings, sien asseblief: Kanselleer of verander herhalende skenking.
Sukkel jy nogsteeds?
Die fondsinsamelingspan by die Wikimedia Foundation is klein, so lees asseblief deur die algemene vrae hierbo. Neem ook asseblief ’n tydjie om ons algemene vrae deur te lees, aangesien dit kan help om enige probleme op te los wat jy tans ervaar. As jy hulp benodig om ’n donasieprobleem op te los, kontak asseblief op donate@wikimedia.org[1]. Laat weet ons asseblief watter blaaier en skenkingskakel jy gebruik, en verskaf ’n beskrywing of, indien moontlik, ’n skermskoot van die fout. Moet asseblief nie kredietkaartnommers by jou e-pos insluit nie.
- ↑ 1.0 1.1 1.2 1.3 As gevolg van die volume van navrae wat ons ontvang, gebruik ons Zendesk as ’n skenker terugvoer platform. Deur donate@wikimedia.org te e-pos, verstaan jy dat jou inligting deur die Zendesk Group verwerk sal word, in ooreenstemming met Zendesk se bepalings. Gebruikers van die volgende lande moet Afdeling A van Zendesk se privaatheidsbeleid konsulteer vir meer inligting oor Zendesk se landspesifieke-praktyke: Australië, Brasilië, Kanada, Japan, Nieu-Seeland en Singapoer.