Template:Appeal/Kaldari/mk

Интернетот порано беше многу интересен.

Порано, во 90-тите, на Интернет владееше едно разнообразие што оддаваше впечаток дека е заедница од интересни луѓе, за разлика од денешново – кога имате впечаток дека Интернетот е една преувеличена телевизија.

Јас бев еден од доброволците што ја создадоа Википедија. Уште одамна решивме дека споделувањето на информации за образовни цели е поважно од правењето пари. Затоа со Википедија раководи непрофитна организација, и затоа никогаш нема да има реклами. Меѓутоа потребни се пари одржување на серверите и плати за малубројниот персонал. Но наместо да рекламираме и така да подлегнеме на влијанија врз нашата дејност, еднаш годишно читателите решаваат да приложат средства и со тоа да поддржат вистинска заедница од луѓе што застапуваат нешто поинакво на Интернет. Би ве замолил да учествувате со $5, $10 или онолку колку што можете да одвоите.

Поминав години како уредник на статии, па на крај станав дел од персоналот како програмер. Како стручњак знам дека инфраструктурата што стои зад Википедија се состои само од најнеопходното.

Google веројатно има скоро еден милион сервери. Yahoo има околу 13.000 вработени. Ние имаме 400 сервери и 95 вработени.

Википедија е 5-та најпосетена веб-локација на Интернет, и ја користат 422 милиони луѓе месечно – со милијарди поединечни посети на страници.

Најдоброто нешто кога одвојувате средства за Википедија е тоа што прилогот се умножува многукратно. Ако дадете $10, тоа оди за плата на програмерот, кој потоа ќе развие некоја алатка што ќе повлече уште 1.000 доброволци на Википедија, кои ќе направат нешто големо и одлично. Така Вашите $10 вродуваат многу повеќе плод отколку на било која друга веб-локација.

Со ваша финансиска помош ќе продолжиме да ја подобруваме Википедија – што значи дека барем дел од Интернетот ќе и понатаму ќе биде навистина интересен.

Ви благодарам,

Рајан Калдари
Програмер на Википедија