Template:Appeal/Adrianne/gl
De nena, tiña un pasatempo caro: os libros. Lía calquera libro que me mercaran os meus pais e despois pedía outro. Por iso decidiron protexer a súa conta bancaria. Mercáronme Jane Eyre.
![Adrianne Wadewitz](http://upload.wikimedia.org/wikipedia/donate/a/ac/Adrianne_wadewitz.jpg
)
Levoume unha eternidade rematar esa enorme novela, pero quedei namorada. En quinto curso, mandáronnos expoñer ós nosos compañeiros de clase algún tema da nosa escolla. Eu falei sobre a literatura do século XIX.
Hoxe, como posiblemente adiviñaches, son profesora de inglés. Tamén colaboro na Wikipedia, editando artigos sobre escritores como Mary Shelley, a autora de Frankenstein, e Jane Austen, que escribiu Orgullo e prexuízo.
Cando reflexiono sobre o meu traballo na Wikipedia, non só penso en min como alguén que engade información; penso en min como profesora. A través da Wikipedia, podo chegar máis aló que calquera aula. Soamente no mes pasado, o artigo da Wikipedia sobre Jane Austen recibiu máis de 115.000 visitas.
Na miña universidade teño acceso a moitos recursos de calidade. Pero a maioría da xente non pode acceder a estas fontes; cómpre pagar por elas. Ao editar a Wikipedia, axudo a remediar esta inxustiza.
Gústame aprender. Sempre me gustou. E por iso creo que todo iso debe estar dispoñible para todas as persoas.
Estás de acordo? Entón, únete a min e apoia a Wikipedia.