Template:Appeal/JimmyLetterA-2010/dsb

Pśed źaseś lětami som wjele radosnych poglědnjenjow dostał, gaž som zachopił z luźimi wó Wikipediji powědaś.

Grońmy, až někotare wobchodniki su byli wjelgin skeptiske pśi ideji, až dobrowólniki z cełego swěta by mógli se schadaś, aby napórali późiwabny pókład cłowjeskeje wědy – wšykno za zaměr, až wšykne mógu jen gromaźe wužywaś.

Žedna reklama. Žedne wudobytki. Žedne skšajźne wótglědy.

Lětźasetk pó jeje załoženju, wužywa wěcej ako 380 milionow luźi Wikipediju kuždy mjasec – pśisamem tśeśina z Internetom zwězanego swěta.

Wóna jo pěte nejpopularnjejše websedło w swěśe. Druge styri websedła su se napórali a wuźaržyli z bilionami dolarow, wjelickim firmowym personalom a njezmilnym marketingom.

Ale, Wikipedija njejo ako komercielne websedło. Wóna jo se wót zgromaźeństwa napórała, spisana wót dobrowólnikow, kótarež su zapisk pó zapisku cynili. Ty sy źěl našogo zgromaźeństwa. A ja pišu źinsa, aby śi pšosył, Wikipediju šćitaś a pódpěraś.

Gromaźe móžomy ju dermo a bźez reklamy źaržaś. Móžomy ju za wšych dostupnu źaržaś – móžoš informacije z Wikipedije kažkuli wužywaś. Móžomy se wó to staraś, až wóna rosćo dalej, z tym až rozšyrjujomy wědu wšuźi a pśepšošujomy kuždego se na tom wobźěliś.

Kužde lěto toś ten cas pšosymy tebje a wšych drugich ze zgromaźeństwa Wikipedije pomagaś, naše zgromadne pśedewześe pśez snadny dar wó $20, $35, $50 abo wěcej pódpěraś.

Jolic pógódnośujoš Wikipediju ako žrědło informacijow – a ako žrědło inspiracije – naźejam se, až rozsuźijoš se hned jadnaś.

Wšykne nejlěpše žycenja,

Jimmy Wales

Załožaŕ Wikipedije

P.S. Wikipedija demonstrěrujo móc luźi ako my njewšědne wěcy cyniś. Luźe kaž my pišu Wikipediju, słowo pó słowje. Luźe kaž my ju financěruju, dar pó darje. To jo dopokaz našogo kolektiwnego potenciala swět změniś.