Template:Appeal/JimmyLetterA-2010/yue

十年前當我同人講起維基百科嗰陣，人人都畀個囧樣我。

或者咁講啦，有啲生意人會懷疑係咪真係可以令世界各地志願者聚埋一齊搞個知識庫 —— 純粹只係為咗分享。

既無廣告，又無錢賺，更加無發展時間表喎。

維基百科開咗十年後，每月有超過三億八千萬人用緊佢，亦即係差唔多全球三分一嘅網民。

維基百科係全球第五大網站，而頭四個都係用咗數以億計嘅美金投資，重有龐大嘅管理團隊同好狠嘅市場推廣。

不過，維基百科絕對唔似商業網站。佢係由社群創造，由世界各地志願者逐篇寫出嚟。而你都係社群嘅一分子。我今日寫呢篇嘢，就係想你保護同維持維基百科嘅運作。

咁樣，維基百科就可以繼續免費同唔會有廣告。維基百科亦都可以繼續開放——你可以隨意使用維基百科嘅資訊。維基百科更可以繼續成長——向各地傳播知識，並請各人一齊參與。

每年呢個時間，我哋都會請你同其他人慷慨解囊，少少哋捐20、35、50蚊美金或者更多，去幫助維持維基百科嘅運作。

如果你覺得維基百科係知識同靈感嘅來源，我希望你而家即刻行動。

占美威爾斯

維基百科創辦人

題外話：維基百科就係由我哋嘅力量搞出嚟嘅非一般網站。大家一齊逐筆逐筆去寫文，逐筆逐筆去捐錢。呢個係大家齊心協力改變世界嘅證明！